Amerikalik hujumkor yarim himoyachi Kristian Pulishich «Milan»dagi unchalik muvaffaqiyatli chiqmagan mavsumi haqida to‘xtaldi. Mavsumning birinchi yarmida u gollar urgan bo‘lsa, ikkinchi qismda samaradorlik pasaydi va jamoaning o‘zi ham birinchi davraga nisbatan ancha bo‘sh o‘yin ko‘rsatdi.
«Yaxshiroq harakat qilishim mumkin bo‘lgan vaziyatlar bo‘ldi, qolaversa, jamoamiz uchun ham murakkab davr keldi. Men vaziyatni yomonlashtirishi mumkin bo‘lgan biror narsani — tayyorgarligimni yoki mashg‘ulotlarimni o‘zgartirganim yo‘q. Endi faqat kelajak haqida o‘ylashdan boshqa choram yo‘q», — deya Pulishichning so‘zlarini keltirdi ESPN telekanali.
Eslatib o‘tamiz, amerikalik futbolchi 2023 yilda Londonning «Chelsi» klubidan «Milan» safiga o‘tgan edi.
