Америкалик ҳужумкор ярим ҳимоячи Кристиан Пулишич «Милан»даги унчалик муваффақиятли чиқмаган мавсуми ҳақида тўхталди. Мавсумнинг биринчи ярмида у голлар урган бўлса, иккинчи қисмда самарадорлик пасайди ва жамоанинг ўзи ҳам биринчи даврага нисбатан анча бўш ўйин кўрсатди.
«Яхшироқ ҳаракат қилишим мумкин бўлган вазиятлар бўлди, қолаверса, жамоамиз учун ҳам мураккаб давр келди. Мен вазиятни ёмонлаштириши мумкин бўлган бирор нарсани — тайёргарлигимни ёки машғулотларимни ўзгартирганим йўқ. Энди фақат келажак ҳақида ўйлашдан бошқа чорам йўқ», — дея Пулишичнинг сўзларини келтирди ESPN телеканали.
Эслатиб ўтамиз, америкалик футболчи 2023 йилда Лондоннинг «Челси» клубидан «Милан» сафига ўтган эди.
