«Betis» yarim himoyachisi Isko ko‘plab jarohatlariga qaramay, futboldan hamon zavq olayotganini ta’kidladi.

«Futbolga bo‘lgan muhabbatim va faoliyatimni davom ettirish imkoniyatiga ega ekanligim mentalitetimni mustahkamladi. Har qanday holatda ham o‘yindan zavq olishni o‘rgandim. Shuningdek, menga bunday imkoniyatni taqdim etgani uchun «Betis»dan minnatdorman», — deya Iskoning so‘zlarini keltiradi Ispaniyaning Marca nashri.

Eslatib o‘tamiz, ispaniyalik futbolchi hozirda 34 yoshda va u 2023 yildan beri «Betis» sharafini himoya qilib kelmoqda. Isko faoliyatining katta qismini Madridning «Real» klubida o‘tkazgan. Shuningdek, u vaqti-vaqti bilan Ispaniya terma jamoasiga ham jalb etib turiladi.