Kanada hamda O‘zbekiston milliy terma jamoalari o‘rtasidagi bahs (2:0) yakunlangach, Sofascore portali futbolchilarning maydondagi ko‘rsatkichlarini sarhisob qildi.
Unga ko‘ra, uchrashuvning eng yaxshi futbolchisi sifatida Shimoliy Amerika vakillari darvozaboni Maksim Krepo e’tirof etildi. Uning mazkur o‘yindagi harakatlari 7,3 ballga loyiq ko‘rilgan.
O‘zbekiston a’zolari orasida esa himoyachi Abduqodir Husanov eng yuqori ko‘rsatkichni (7,1 ball) qayd etdi. Buning teskarisi o‘laroq, yarim himoyachi Otabek Shukurov va himoyachi Sherzod Nasrullayevning namoyish etgan o‘yini ushbu uchrashuvda eng past baholanishga sabab bo‘ldi.
