Канада ҳамда Ўзбекистон миллий терма жамоалари ўртасидаги баҳс (2:0) якунлангач, Sofascore портали футболчиларнинг майдондаги кўрсаткичларини сарҳисоб қилди.
Унга кўра, учрашувнинг энг яхши футболчиси сифатида Шимолий Америка вакиллари дарвозабони Максим Крепо эътироф этилди. Унинг мазкур ўйиндаги ҳаракатлари 7,3 баллга лойиқ кўрилган.
Ўзбекистон аъзолари орасида эса ҳимоячи Абдуқодир Ҳусанов энг юқори кўрсаткични (7,1 балл) қайд этди. Бунинг тескариси ўлароқ, ярим ҳимоячи Отабек Шукуров ва ҳимоячи Шерзод Насруллаевнинг намойиш этган ўйини ушбу учрашувда энг паст баҳоланишга сабаб бўлди.














