«Atletiko» darvozaboni Yan Oblak mavsum yakunlangach, klubni tark etish imkoniyatini ko‘rib chiqmoqda. Marca nashri xabariga ko‘ra, 33 yoshli posbon o‘z kelajagi borasidagi qarorni mustaqil ravishda qabul qiladi — bu to‘liq uning ixtiyorida.

Bu ehtimoliy ketish madridliklar uchun yana bir katta yo‘qotish bo‘lishi mumkin, chunki klub allaqachon o‘z afsonasi — mavsum yakunida jamoadan ketgan hujumchi Antuan Grizmann bilan xayrlashib ulgurgan.

Agar Oblak ketishga qaror qilsa, «Atletiko» unga to‘sqinlik qilmaydi. Agar u qolishni tanlasa, klub uning faoliyatini o‘z rejalari doirasida davom ettirishga tayyor. Sloveniyalik posbon «Atletiko» bilan 2014 yilning iyul oyida shartnoma imzolagan edi, transfer summasi 13 million yevroni tashkil etgan. O‘shandan beri u Madrid klubi safida jami 538 ta rasmiy o‘yinda maydonga tushgan.