«Liverpul» va Angliya terma jamoasining sobiq himoyachisi, hozirgi kunda futbol eksperti sifatida faoliyat yuritayotgan Jeymi Karrager Londonning «Arsenal» klubining Chempionlar ligasi finalida «PSJ»ga qarshi o‘yinini keskin tanqid ostiga oldi.
«Arsenal» butun 120 daqiqa davomida «Xetafe» uslubida o‘ynadi. O‘z xotiramga ko‘ra, bu Chempionlar ligasi finalidagi eng yomon o‘yinlardan biri. Bu shunchaki ligada jon saqlab qolish uchun o‘tkazilgan o‘yin emas, nufuzli turnirning hal qiluvchi bahsi edi. Ikki soat davomida faqat himoyalanib, penaltilar seriyasida Rayya (darvozabon) bizni qutqarib qoladi deb umid qilib bo‘lmaydi», — deya ekspertning so‘zlaridan iqtibos keltiradi Yahoo Sports.
Eslatib o‘tamiz, uchrashuvning asosiy vaqtida jamoalar 1:1 hisobidagi durangga imzo chekishgandi. Penaltilar seriyasida esa parijliklar 4:3 hisobida g‘alaba qozonishdi.
