«Barselona» himoyachisi Andreas Kristensen Kataloniya klubidagi kelajagi haqida o‘z fikri bilan o‘rtoqlashdi. U «ko‘k-anorranglilar» safida qolishni istashini ma’lum qildi.
«Men tasdiqlashim mumkin bo‘lgan yagona narsa: «Barsa»da qolishni xohlayman. Hech qanday yangilik bo‘lgani yo‘q. Menda biror bir yangi ma’lumot mavjud emas. Mening fikrimni hamma biladi, shuning uchun tez orada hammasi o‘z joyiga tushadi deb umid qilaman», — dedi Kristensen.
Andreas Kristensenning «Barselona» bilan amaldagi shartnomasi 30 iyunga qadar mo‘ljallangan. Daniyalik futbolchi 2025/2026 yilgi mavsumda jami 18 ta o‘yinda maydonga tushib, o‘z hisobiga 1 ta gol yozdirib qo‘ydi.
