AQSH hukumati 2026 yilgi Jahon chempionatida ishtirok etish uchun Eron terma jamoasi futbolchilariga mamlakatga kirish vizalarini tasdiqladi.
Jurnalist Romen Molinaning ma’lum qilishicha, mazkur vizalar «alohida cheklov» bilan beriladi. Xususan, eronlik futbolchilarga AQSH hududida uzoq vaqt qolishga ruxsat etilmaydi, chunki ular vaqtinchalik vizalar asosida mamlakatga kirishadi.
Shu sababli Eron terma jamoasi musobaqa davomida Meksikada joylashadi va AQSHdagi uchrashuvlar uchun qatnab turadi.
Eslatib o‘tamiz, JCH-2026 guruh bosqichida Eron terma jamoasi Belgiya, Misr va Yangi Zelandiya terma jamoalariga qarshi maydonga tushadi.
Ushbu uchrashuvlarning barchasi AQSH hududida o‘tkaziladi. Ikkita o‘yin Kaliforniya shtatidagi Inglvud shahrida, yana biri esa Vashington shtatidagi Sietl shahrida bo‘lib o‘tadi.













