Ispaniya terma jamoasi mashg‘ulotida «Manchester Siti» yarim himoyachisi Rodri jamoadoshi tufayli jarohat olishiga bir baxya qoldi. 29 yoshli futbolchi Gavi bilan to‘qnashuvdan so‘ng maydonga yiqildi. «Barselona» xavbeki to‘p uchun kurashda «shaharliklar» vakilining oyog‘ini qattiq bosib oldi — rasmiy o‘yinlarda bunday fol uchun bemalol qizil kartochka ko‘rsatilishi mumkin edi.
Rodri og‘riqdan chidab turolmay maydonda ag‘anadi va «ko‘k-anorranglilar»ning yosh futbolchisi qilgan harakatdan noroziligini bildirdi. Keyinroq «Oltin to‘p» sohibi bir oz qiyinchilik bilan bo‘lsa-da, o‘zi mustaqil ravishda oyoqqa turib ketdi.
9 iyun kuni «qizil furiya» Peru terma jamoasiga qarshi o‘rtoqlik uchrashuvi o‘tkazadi, 15 iyun kuni esa amaldagi Yevropa chempionlarining JCH-2026 dagi ilk o‘yini bo‘lib o‘tadi — unda Ispaniyaga Kabo-Verde raqiblik qiladi.
