Turkiyaning «Fenerbaxche» klubi jamoani bir qator legionerlar bilan kuchaytirmoqchi. Insayder Fabrisio Romanoning X ijtimoiy tarmog‘ida xabar berishicha, Istanbul klubi qiziqishlari doirasiga Italiyaning «Inter» klubi yarim himoyachisi Hakan Chalxano‘g‘li tushgan. Manbaga ko‘ra, ushbu tayanch yarim himoyachisining transferini «Fenerbaxche» prezidentligiga nomzod Hakan Safi qat’iy talab qilmoqda.

Shuningdek, klubning potensial yangi a’zolari qatorida futbolchilar Luis Suares, Merix Demiral va Meyson Grinvud nomlari ham tilga olinmoqda. Ushbu transferlarning amalga oshishi saylov natijalariga bog‘liq.

«Fenerbaxche» prezidenti saylovlari 6 va 7 iyun kunlari bo‘lib o‘tmoqda. Ushbu lavozimga ikki nomzod: Aziz Yildirim va Hakan Safi da’vogarlik qilmoqda. Avvalroq, «Barselona»ni tark etayotgan hujumchi Robert Levandovski ham jamoa tarkibini to‘ldirishi mumkinligi haqida xabar berilgan edi.