Hujumchi Entoni Gordon Jahon chempionati uchun Angliya terma jamoasida 18-raqamni oldi. Futbolchidan ushbu raqam zaxira futbolchisi maqomini anglatishidan xavotirda yoki yo‘qligi haqida so‘rashdi.
«Menimcha, tarkibimizga nazar tashlasangiz, istalgan futbolchini 1 dan 11 gacha bo‘lgan pozisiyalarga qo‘yish mumkin. Barchamiz yetarlicha kuchlimiz. Har bir o‘yinchida ko‘plab jihatlar bo‘yicha o‘zini eng zo‘ri deb hisoblash uchun asoslar bor. Shunday ekan, raqam men uchun mutlaqo ahamiyatsiz. Men bu yerda Angliya uchun g‘alaba qozonish uchun turibman. Men uchun o‘zim yoki shaxsiy manfaatlarim birinchi o‘rinda emas. Gap men haqimda ketmayapti, gap jamoa haqida. Shuning uchun menga xohlagan raqamingizni berishingiz mumkin», — dedi Gordon talkSPORTga.
Angliya terma jamoasi Jahon chempionatidagi ilk uchrashuvini 17 iyun kuni Xorvatiyaga qarshi o‘tkazadi.
