FIFA somalilik hakam Omar Abdulqodir Artan bilan bog‘liq vaziyat yuzasidan rasmiy bayonot berdi.
Avvalroq 2025 yilning Afrikadagi eng yaxshi hakami deb topilgan Artanga AQSHga kirish taqiqlangani haqida xabarlar tarqalgan edi. U Mayami xalqaro aeroportiga yetib kelganidan so‘ng mamlakatga kirish uchun ruxsat ololmagan. Rad etish sabablari rasman ochiqlanmagan. Ayni paytda Artan Turkiyada bo‘lib turibdi.
Somali AQSH prezidenti Donald Tramp ma’muriyati tomonidan kirish bo‘yicha qat’iy cheklovlar joriy etilgan davlatlar qatoriga kiradi. Amerika immigrasiya xizmatlari Artanning mamlakatga kiritilmagani sabablarini ma’lum qilmagan.
FIFA mazkur holat tufayli Omar Abdulqodir Artan 2026 yilgi jahon chempionati o‘yinlarida hakamlik qila olmasligini rasman tasdiqladi.
Tashkilot bayonotida qayd etilishicha, FIFA mezbon mamlakatning immigrasiya jarayonlarida ishtirok etmaydi va Artanning huquqiy maqomiga ta’sir ko‘rsata olmaydi.













