«Benfika» o‘zining X ijtimoiy tarmog‘idagi sahifasida Marku Silva jamoa bosh murabbiyi etib tayinlanganini ma’lum qildi. 48 yoshli mutaxassis jamoa bilan ikki yillik shartnoma imzoladi, unda hamkorlikni 2028/2029 yilgi mavsumgacha uzaytirish imkoniyati ko‘zda tutilgan.

Avvalroq «burgutlar» Madridning «Real» klubi bosh murabbiy Joze Mourinyu bilan shartnomani muddatidan oldin bekor qilish uchun 15 million yevro to‘laganini e’lon qilgan edi. Portugaliyalik mutaxassis ushbu hamkorlikni to‘xtatishga rozilik bergani ta’kidlangan.

«Benfika»ga tayinlanishidan oldin Silva 2021 yildan beri «Fulxem»ni boshqarib kelayotgan edi. 2 iyun kuni London klubi portugaliyalik mutaxassis jamoani tark etganini e’lon qildi. Angliya chempionatining yakunlangan mavsumi natijalariga ko‘ra, «Fulxem» 11-o‘rinni egalladi.