«Atletiko» rahbari Enrike Sereso Madridning «Real» klubi tomonidan hujumchi Xulian Alvares uchun qilingan rasmiy taklif haqida gapirdi. «Qaymoqranglilar» matbuot xizmati xabar berishicha, «matraschilar» argentinalik futbolchi uchun berilgan 150 million yevrolik taklifni rad etishgan.

«Real»ning taklifi? Alvares sotilmaydi. Biz uni sotishni istamaymiz», — deya Seresoning El Chiringuito TV bilan suhbatdagi so‘zlarini keltirmoqda manba.

Avvalroq «Atletiko» Xulian Alvaresni «Barselona»ga ham qo‘yib yubormagan edi. Yakunlangan mavsumda 26 yoshli futbolchi Diyego Simeone jamoasi safida barcha turnirlarda 49 ta uchrashuvda maydonga tushib, 20 ta gol va 9 ta golli uzatmani o‘z hisobiga yozdirib qo‘ydi. Hujumchining amaldagi shartnomasi 2030 yilgacha mo‘ljallangan.