«Inter» klubi «Udineze» himoyachisi Umar Sole transferi bo‘yicha ishlarni faollashtirdi. Bu haqda Sky Sport nashri xabar bermoqda.

Seshanba kuni, 9 iyun kuni Milan klubi ofisida «Inter» va «Udineze» vakillari o‘rtasida uchrashuv bo‘lib o‘tdi va unda fransiyalik himoyachining ehtimoliy transferi muhokama qilindi. Manbaning xabariga ko‘ra, «Inter» muzokaralar jarayonini tezlashtirishga tayyor, futbolchining o‘zi esa Milan klubiga o‘tishga allaqachon rozilik bergan.

«Udineze» Soleni taxminan 25 million yevroga baholamoqda, biroq tomonlar 20 million yevro atrofidagi mablag‘ va bonuslar evaziga kelishuvga erishishlari mumkin.

Yakunlangan mavsumda Sole 38 ta o‘yinda maydonga tushib, 3 ta gol urdi, 1 ta golli uzatmani amalga oshirdi va 1 ta sariq kartochka oldi.