Xitoy terma jamoasi Jahon chempionatining final bosqichida ishtirok etmaydi, mamlakat futboli darajasi hamon bunga umid qilishga yo‘l qo‘ymayapti. Xitoyliklar o‘z tarixlarida faqat bir marta — 2002 yilda mundialda qatnashishga muvaffaq bo‘lishgan. O‘shanda Yaponiya va Janubiy Koreya terma jamoalari mezbon sifatida to‘g‘ridan-to‘g‘ri yo‘llanma olgani sababli qolgan o‘rinlar uchun raqobat sezilarli darajada kamaygan edi.

Ammo bu safar Jahon chempionatida xitoyliklarning o‘z hakami bo‘ladi — 47 yoshli Ma Ning dunyoning bosh futbol forumida Xitoyning yagona vakiliga aylanadi. Uning Jahon chempionatiga hakamlik qilish uchun AQSHga uchib ketayotgani haqidagi ijtimoiy tarmoqdagi posti qisqa vaqt ichida millionlab «layk» yig‘ishga ulgurdi.

Ma Ning o‘ziga xos hakamlik uslubiga ega — u maydonda ayab o‘tirmasdan kartochkalar tarqatadi, shu sababli o‘z vatanida unga «kartochkalar maestrosi» deb laqab qo‘yishgan.