Janubiy Koreya terma jamoasi bosh murabbiyi Xon Myon Bo Jahon chempionati–2026 guruh bosqichining 1-turidan o‘rin olgan Chexiyaga qarshi bahsdan so‘ng OAV vakillari bilan fikr almashdi. Osiyoliklar mazkur uchrashuvda 2:1 hisobida irodali g‘alabani qo‘lga kiritishdi.
«Biz mundialdagi ilk g‘alabamizni qo‘lga kiritdik. Bu juda qiyin bo‘ldi. Natijadan ko‘nglim to‘ldi, ammo meni eng ko‘p quvontirgan narsa — yigitlar ikkinchi bo‘lim davomida hisobda ortda borayotib, taslim bo‘lishmagani bo‘ldi. Biz g‘alaba qozonishimiz mumkinligini bilardik. Shu bois shogirdlarimga kurashishda davom etish kerakligini aytdim», — deya mutaxassisning so‘zlarini keltiradi FIFA matbuot xizmati.
Mundialdagi ikkinchi o‘yinida Janubiy Koreya turnir mezbonlaridan biri — Meksikaga qarshi maydonga tushadi.
