Жанубий Корея терма жамоаси бош мураббийи Хон Мён Бо Жаҳон чемпионати–2026 гуруҳ босқичининг 1-туридан ўрин олган Чехияга қарши баҳсдан сўнг ОАВ вакиллари билан фикр алмашди. Осиёликлар мазкур учрашувда 2:1 ҳисобида иродали ғалабани қўлга киритишди.
«Биз мундиалдаги илк ғалабамизни қўлга киритдик. Бу жуда қийин бўлди. Натижадан кўнглим тўлди, аммо мени энг кўп қувонтирган нарса — йигитлар иккинчи бўлим давомида ҳисобда ортда бораётиб, таслим бўлишмагани бўлди. Биз ғалаба қозонишимиз мумкинлигини билардик. Шу боис шогирдларимга курашишда давом этиш кераклигини айтдим», — дея мутахассиснинг сўзларини келтиради ФИФА матбуот хизмати.
Мундиалдаги иккинчи ўйинида Жанубий Корея турнир мезбонларидан бири — Мексикага қарши майдонга тушади.
