“Manchester Yunayted” klubi yarim himoya chizig‘ini kuchaytirish ustida ish olib borishda davom etmoqda. Klub “Vest Xem” a’zosi Mateush Fernandesh va “Bornmut” futbolchisi Aleks Skottga bo‘lgan qiziqishini saqlab turibdi.
Jurnalist Jeyms Dakerning xabar berishicha, “qizil iblislar” har ikki yarim himoyachi bo‘yicha ham taklif bilan chiqishlari mumkin, biroq buning uchun ular avval Manuel Ugarteni sotib yuborishlari va boshqa pozisiyalardagi xarajatlarni qisqartirishlari kerak bo‘ladi.
Transfermarkt portali ekspertlari 21 yoshli Fernandesh va 22 yoshli Skottning transfer qiymatini bir xil — 50 million yevroga baholashmoqda. 25 yoshli Ugarte esa ulardan ikki barobar arzonroq turadi.
Eslatib o‘tamiz, bundan avvalroq “Manchester Yunayted” “Atalanta” va Braziliya terma jamoasi yarim himoyachisi Edersonning transferini kelishib olgan edi.
