“Манчестер Юнайтед” клуби ярим ҳимоя чизиғини кучайтириш устида иш олиб боришда давом этмоқда. Клуб “Вест Хэм” аъзоси Матеуш Фернандеш ва “Борнмут” футболчиси Алекс Скоттга бўлган қизиқишини сақлаб турибди.

Журналист Жеймс Дакернинг хабар беришича, “қизил иблислар” ҳар икки ярим ҳимоячи бўйича ҳам таклиф билан чиқишлари мумкин, бироқ бунинг учун улар аввал Мануэль Угартени сотиб юборишлари ва бошқа позициялардаги харажатларни қисқартиришлари керак бўлади.

Transfermarkt портали экспертлари 21 ёшли Фернандеш ва 22 ёшли Скоттнинг трансфер қийматини бир хил — 50 миллион еврога баҳолашмоқда. 25 ёшли Угарте эса улардан икки баробар арзонроқ туради.

Эслатиб ўтамиз, бундан аввалроқ “Манчестер Юнайтед” “Аталанта” ва Бразилия терма жамоаси ярим ҳимоячиси Эдерсоннинг трансферини келишиб олган эди.