Bosniya va Gersegovina terma jamoasi hujumchisi Yovo Lukich Kanadaga qarshi uchrashuvdan so‘ng o‘z fikrlarini o‘rtoqlashdi. Jahon chempionati 1-turidan o‘rin olgan ushbu bahs 1:1 hisobidagi durang bilan yakunlandi.

Ruminiyaning “Universitatya Kluj” klubida to‘p tepuvchi Lukich uchrashuvning 21-daqiqasida gol urishga muvaffaq bo‘ldi. O‘yindan so‘ng u o‘zgacha tuyg‘ularni his qilganini tan oldi.

“Agar buni tasavvur qilganimda ham, bundan yaxshirog‘ini tilay olmasdim: Jahon chempionatidagi birinchi golim. G‘alaba qozona olmaganimiz achinarli. Gol urmasdan bo‘lsa ham, g‘alaba qozonganimizda men uchun yoqimliroq bo‘lardi”, — deya Lukichning so‘zlarini sportsport.ba nashri keltiradi.