Босния ва Герцеговина терма жамоаси ҳужумчиси Йово Лукич Канадага қарши учрашувдан сўнг ўз фикрларини ўртоқлашди. Жаҳон чемпионати 1-туридан ўрин олган ушбу баҳс 1:1 ҳисобидаги дуранг билан якунланди.
Руминиянинг “Университатя Клуж” клубида тўп тепувчи Лукич учрашувнинг 21-дақиқасида гол уришга муваффақ бўлди. Ўйиндан сўнг у ўзгача туйғуларни ҳис қилганини тан олди.
“Агар буни тасаввур қилганимда ҳам, бундан яхшироғини тилай олмасдим: Жаҳон чемпионатидаги биринчи голим. Ғалаба қозона олмаганимиз ачинарли. Гол урмасдан бўлса ҳам, ғалаба қозонганимизда мен учун ёқимлироқ бўларди”, — дея Лукичнинг сўзларини sportsport.ba нашри келтиради.
