Angliyalik mashhur sobiq futbolchi Jon Terri yarim himoyachi Jud Bellingemning o‘yini haqida o‘z fikrlari bilan o‘rtoqlashdi. «Chelsi»ning sobiq sardori Angliya terma jamoasining Jahon chempionatidagi dastlabki o‘yini oldidan «Real» yulduzi bilan bog‘liq katta umidlarni bildirdi.
«Bellingemning o‘yiniga qarab, darhol Zinedin Zidanni eslayman. U ham xuddi shunday nafosat bilan harakat qiladi, dadil va o‘yin taqdirini o‘zgartirib yubora oladi. U biz uchun o‘ziga xos futbolchi», — deya Terrining so‘zlarini keltiradi talkSPORT.
17 iyun kuni Angliya terma jamoasi JCH-2026 guruh bosqichining birinchi turida Xorvatiyaga qarshi maydonga tushadi. Uchrashuv Toshkent vaqti bilan 18 iyun soat 01:00 da boshlanadi. Keyinchalik inglizlar Gana va Panama terma jamoalariga qarshi bahs olib borishadi.













