Англиялик машҳур собиқ футболчи Жон Терри ярим ҳимоячи Жуд Беллингемнинг ўйини ҳақида ўз фикрлари билан ўртоқлашди. «Челси»нинг собиқ сардори Англия терма жамоасининг Жаҳон чемпионатидаги дастлабки ўйини олдидан «Реал» юлдузи билан боғлиқ катта умидларни билдирди.
«Беллингемнинг ўйинига қараб, дарҳол Зинедин Зиданни эслайман. У ҳам худди шундай нафосат билан ҳаракат қилади, дадил ва ўйин тақдирини ўзгартириб юбора олади. У биз учун ўзига хос футболчи», — дея Террининг сўзларини келтиради talkSPORT.
17 июнь куни Англия терма жамоаси ЖЧ-2026 гуруҳ босқичининг биринчи турида Хорватияга қарши майдонга тушади. Учрашув Тошкент вақти билан 18 июнь соат 01:00 да бошланади. Кейинчалик инглизлар Гана ва Панама терма жамоаларига қарши баҳс олиб боришади.
