Dortmundning «Borussiya» klubi bosh murabbiyi Niko Kovach «Bavariya»ni Jeymi Bayno-Gittensni sotib olmaslikka ko‘ndirgan. Myunxen grandi o‘tgan yili yozda «Atletik» Bilbao futbolchisi Niko Uilyams bo‘yicha olib borilgan muzokaralar muvaffaqiyatsiz yakunlangach, ingliz futbolchisini transfer qilish imkoniyatini ko‘rib chiqqandi.
Bild xabariga ko‘ra, bavariyalik vakillar Bayno-Gittens haqida xolis fikr olish uchun Kovachga murojaat qilishgan va murabbiy o‘yinchining professionallik darajasi yetishmasligini tanqid qilib, ularni transferdan voz kechishga ishontirgan.
Keyinchalik «Bavariya» «Liverpul»dan sotib olingan va Germaniyada muvaffaqiyatga erishgan Luis Dias nomzodiga o‘tdi. Jeymi Bayno-Gittens tez orada 56 million yevro evaziga «Chelsi»ga o‘tdi, ammo Angliyaga qaytganidan keyingi debyut mavsumida u kutilgan natijani ko‘rsata olmadi.
