Portugaliya terma jamoasining eng yaxshi yarim himoyachilaridan biri Vitinya Shimoliy Amerikada bo‘lib o‘tayotgan Jahon chempionati – 2026 da jamoasining maqsadlari haqida gapirdi.
«Portugaliya — yuqori darajadagi jamoa. Terma jamoada dunyoning eng yaxshi klublarida to‘p suradigan ko‘plab ajoyib futbolchilar bor. Biz chempionlikka da’vogarmiz, biroq bosh favorit emasmiz. Mundialda o‘z salohiyatimizni to‘liq namoyish etishimiz kerak», — deya yarim himoyachining so‘zlarini keltiradi A Bola nashri.
Ushbu nufuzli turnirning guruh bosqichida Portugaliya terma jamoasi O‘zbekiston, Kolumbiya va DR Kongo milliy terma jamoalari bilan kuch sinashadi. Roberto Martines shogirdlari ilk uchrashuvni 17 iyun kuni Afrika vakillariga (DR Kongo) qarshi o‘tkazishadi.













