Португалия терма жамоасининг энг яхши ярим ҳимоячиларидан бири Витинья Шимолий Америкада бўлиб ўтаётган Жаҳон чемпионати – 2026 да жамоасининг мақсадлари ҳақида гапирди.
«Португалия — юқори даражадаги жамоа. Терма жамоада дунёнинг энг яхши клубларида тўп сурадиган кўплаб ажойиб футболчилар бор. Биз чемпионликка даъвогармиз, бироқ бош фаворит эмасмиз. Мундиалда ўз салоҳиятимизни тўлиқ намойиш этишимиз керак», — дея ярим ҳимоячининг сўзларини келтиради A Bola нашри.
Ушбу нуфузли турнирнинг гуруҳ босқичида Португалия терма жамоаси Ўзбекистон, Колумбия ва ДР Конго миллий терма жамоалари билан куч синашади. Роберто Мартинес шогирдлари илк учрашувни 17 июнь куни Африка вакилларига (ДР Конго) қарши ўтказишади.
