«Nyukasl»ning italiyalik yarim himoyachisi Sandro Tonali faoliyatini yanada yuqori darajada davom ettirishi mumkin. Mashhur insayder Nikolo Skiraning xabar berishicha, 26 yoshli tayanch yarim himoyachisiga «Manchester Siti» va «Arsenal» klublari jiddiy qiziqish bildirmoqda.

Manbaga ko‘ra, «qarg‘alar» o‘z yetakchisi uchun 100 million yevro talab qilmoqda. O‘tgan mavsumda Tonali barcha musobaqalarda 53 ta uchrashuvda maydonga tushib, 3 ta gol urdi va 7 ta golli uzatmaga mualliflik qildi.

Sandro Tonalining «Nyukasl» bilan amaldagi shartnomasi 2028 yilning o‘rtalariga qadar mo‘ljallangan. Transfermarkt mutaxassislari futbolchining bozor qiymatini 80 million yevroga baholashmoqda.