«Lill» klubi va Marokash terma jamoasining 18 yoshli markaziy yarim himoyachisi Ayub Buaddi «Liverpul»ning transfer ro‘yxatidan joy oldi.
Jurnalist Hanif Ben Berkanening xabar berishicha, mersisaydliklar vakillari marokashlik iste’dodli futbolchining Jahon chempionatidagi o‘yinini bevosita kuzatish uchun maxsus AQSHga yetib kelishgan. Biroq ta’kidlanishicha, Buaddining harakatlarini boshqa top-klublar, jumladan, «PSJ», «Arsenal» va «Tottenxem» ham sinchkovlik bilan kuzatib bormoqda.
Jahon chempionati — 2026 birinchi turida Marokash terma jamoasi Braziliya bilan durang o‘ynadi (1:1). Buaddi maydonda to‘liq 90 daqiqa harakat qildi, ammo samarali harakatlar bilan ajralib tura olmadi.
Transfermarkt portali ma’lumotlariga ko‘ra, yarim himoyachining transfer bahosi 50 million yevroni tashkil etadi.
