«Лилль» клуби ва Марокаш терма жамоасининг 18 ёшли марказий ярим ҳимоячиси Аюб Буадди «Ливерпуль»нинг трансфер рўйхатидан жой олди.
Журналист Ҳаниф Бен Берканенинг хабар беришича, мерсисайдликлар вакиллари марокашлик истеъдодли футболчининг Жаҳон чемпионатидаги ўйинини бевосита кузатиш учун махсус АҚШга етиб келишган. Бироқ таъкидланишича, Буаддининг ҳаракатларини бошқа топ-клублар, жумладан, «ПСЖ», «Арсенал» ва «Тоттенхэм» ҳам синчковлик билан кузатиб бормоқда.
Жаҳон чемпионати — 2026 биринчи турида Марокаш терма жамоаси Бразилия билан дуранг ўйнади (1:1). Буадди майдонда тўлиқ 90 дақиқа ҳаракат қилди, аммо самарали ҳаракатлар билан ажралиб тура олмади.
Transfermarkt портали маълумотларига кўра, ярим ҳимоячининг трансфер баҳоси 50 миллион еврони ташкил этади.













