1954 yil 15 iyunda UYEFA tashkil etilgan. Bu voqea Fransiya, Italiya va Belgiya tashabbusi bilan o‘tkazilgan maslahatlashuvlar natijasida Shveysariyaning Bazel shahrida yuz bergan.
To‘g‘ri, dastlab tashkilotning bosh qarorgohi Parijda joylashgan edi, ammo 1959 yilda u Bernga ko‘chirildi va 1995 yilgacha o‘sha yerda qoldi. Shundan so‘ng qarorgoh yana bir bor joyini o‘zgartirib, Nyon shahriga ko‘chib o‘tdi. Ishtirokchilar soni ham dastlabki 25 tadan hozirgi 55 tagacha ko‘paydi.
Hozirda tashkilotga sloveniyalik Aleksander Cheferin rahbarlik qilmoqda. U UYEFAning yettinchi prezidenti bo‘lib, ushbu lavozimni 2016 yilda egallagan. Bungacha tashkilotni Mishel Platini boshqarib kelgan edi.













