1954 йил 15 июнда УЕФА ташкил этилган. Бу воқеа Франция, Италия ва Бельгия ташаббуси билан ўтказилган маслаҳатлашувлар натижасида Швейцариянинг Базель шаҳрида юз берган.
Тўғри, дастлаб ташкилотнинг бош қароргоҳи Парижда жойлашган эди, аммо 1959 йилда у Бернга кўчирилди ва 1995 йилгача ўша ерда қолди. Шундан сўнг қароргоҳ яна бир бор жойини ўзгартириб, Ньон шаҳрига кўчиб ўтди. Иштирокчилар сони ҳам дастлабки 25 тадан ҳозирги 55 тагача кўпайди.
Ҳозирда ташкилотга словениялик Александер Чеферин раҳбарлик қилмоқда. У УЕФАнинг еттинчи президенти бўлиб, ушбу лавозимни 2016 йилда эгаллаган. Бунгача ташкилотни Мишель Платини бошқариб келган эди.
