Jahon chempionati – 2026 guruh bosqichining 1-turida Jazoir terma jamoasi amaldagi unvon sohibi – Argentina terma jamoasiga qarshi bahs olib boradi. Afrikaliklar ustozi Vladimir Petkovich ushbu o‘yin haqida o‘z fikrlarini bildirdi.
«Lionel Messini to‘xtatib qolish uchun bizda maxsus reja bormi? Yo‘q. Biz boshqa o‘yinlarda qanday harakat qilgan bo‘lsak, shunday yo‘l tutamiz. Raqibning maydondagi harakatlarini imkon qadar cheklashga harakat qilamiz», — deya mutaxassisning so‘zlarini keltiradi Footmercato.
Jazoir va Argentina terma jamoalari o‘rtasidagi uchrashuv ertaga, 17 iyun kuni bo‘lib o‘tadi. Bosh hakamning start hushtagi Toshkent vaqti bilan soat 06:00 da yangraydi.
