Dortmundning «Borussiya» klubiga tegishli bo‘lgan 25 yoshli yarim himoyachi Feliks Nmecha Yevropaning yetakchi klublari qiziqishlar doirasiga tushib qolgan.
BILD nashriga ma’lum bo‘lishicha, Yevropaning yirik klublari tomonidan bo‘layotgan qiziqishlar fonida «Borussiya» Nmecha uchun transfer bahosini belgiladi. Klub Germaniya terma jamoasi yarim himoyachisini 120 million yevro evaziga qo‘yib yuborishi mumkin. Bunday katta moliyaviy talab «asalarilar»ning ushbu yozda futbolchini sotishni istamayotgani bilan bog‘liq.
Germaniyalik yarim himoyachi «Real», «Manchester Siti», «Manchester Yunayted» va «Chelsi» kabi grandlarning e’tiborini tortmoqda.
2025/26 yilgi mavsumda Nmecha barcha musobaqalarda 42 ta o‘yinda maydonga tushib, raqiblar darvozasini 5 bor ishg‘ol qildi va 3 ta golli uzatmani amalga oshirdi.
