Argentina terma jamoasi hujumchisi Lionel Messi o‘zining futbol tarixidagi eng yaxshi o‘yinchilar qatoridan joy olayotgani haqidagi fikrlarga munosabat bildirdi.
«Menimcha, seni tarixdagi eng yaxshilardan biri deb aytishlari — bu aql bovar qilmas kompliment. Bu juda hayratlanarli. Futbol o‘ynagan shuncha insonlar, shuncha «monstrlar» va buyuk o‘yinchilarni hisobga olsak... Futbolda eng zo‘rlar qatorida bo‘lish — bu ajoyib tuyg‘u. Men eng yaxshilar orasida ekanligimdan va faoliyatim davomida erisha olgan barcha yutuqlarimdan minnatdorman», — deya Messining so‘zlarini keltiradi Mundo Deportivo nashri.
Eslatib o‘tamiz, Jahon chempionati doirasida Jazoirga qarshi kechgan bahsda Lionel Messi xet-trik qayd etgan edi. Ushbu gollari evaziga Messi Jahon chempionatlari tarixida urilgan gollar soni bo‘yicha Miroslav Klozening rekord natijasini (16 ta gol) takrorladi.
