Аргентина терма жамоаси ҳужумчиси Лионель Месси ўзининг футбол тарихидаги энг яхши ўйинчилар қаторидан жой олаётгани ҳақидаги фикрларга муносабат билдирди.
«Менимча, сени тарихдаги энг яхшилардан бири деб айтишлари — бу ақл бовар қилмас комплимент. Бу жуда ҳайратланарли. Футбол ўйнаган шунча инсонлар, шунча «монстрлар» ва буюк ўйинчиларни ҳисобга олсак... Футболда энг зўрлар қаторида бўлиш — бу ажойиб туйғу. Мен энг яхшилар орасида эканлигимдан ва фаолиятим давомида эриша олган барча ютуқларимдан миннатдорман», — дея Мессининг сўзларини келтиради Mundo Deportivo нашри.
Эслатиб ўтамиз, Жаҳон чемпионати доирасида Жазоирга қарши кечган баҳсда Лионель Месси хет-трик қайд этган эди. Ушбу голлари эвазига Месси Жаҳон чемпионатлари тарихида урилган голлар сони бўйича Мирослав Клозенинг рекорд натижасини (16 та гол) такрорлади.
