«Brest» klubi ustozi bo‘lib ishlab kelayotgan fransiyalik murabbiy Erik Rua 58 yoshida vafot etdi. Bu haqda L’Equipe nashri marhumning yaqinlariga tayanib, mahzun xabarni ma’lum qildi.

Mutaxassis so‘nggi 3,5 yil davomida oshqozonosti bezi onkologik kasalligi (saraton) bilan kurashib kelayotgan edi, biroq shunga qaramay murabbiylik faoliyatini to‘xtatmadi. Rua «Brest» tizginini 2023 yilda o‘z qo‘liga olgan edi. Fransiyalik murabbiy qo‘l ostida «Brest» o‘z tarixida ilk bor Chempionlar ligasi yo‘llanmasini qo‘lga kiritdi. Liga 1 ning yakunlangan mavsumida esa «qaroqchilar» 12-o‘rinni band etishdi.

Erik Rua o‘z faoliyati davomida, shuningdek, «Nissa» klubini ham boshqargan, «Uotford» va «Lans» klublarida esa sport direktori lavozimida faoliyat yuritgan.