«Брест» клуби устози бўлиб ишлаб келаётган франциялик мураббий Эрик Руа 58 ёшида вафот этди. Бу ҳақда L’Equipe нашри марҳумнинг яқинларига таяниб, маҳзун хабарни маълум қилди.

Мутахассис сўнгги 3,5 йил давомида ошқозоности бези онкологик касаллиги (саратон) билан курашиб келаётган эди, бироқ шунга қарамай мураббийлик фаолиятини тўхтатмади. Руа «Брест» тизгинини 2023 йилда ўз қўлига олган эди. Франциялик мураббий қўл остида «Брест» ўз тарихида илк бор Чемпионлар лигаси йўлланмасини қўлга киритди. Лига 1 нинг якунланган мавсумида эса «қароқчилар» 12-ўринни банд этишди.

Эрик Руа ўз фаолияти давомида, шунингдек, «Ницца» клубини ҳам бошқарган, «Уотфорд» ва «Ланс» клубларида эса спорт директори лавозимида фаолият юритган.