Hujumchi Neymar tiklanish jarayonini davom ettirmoqda. Yulduz forvard chorshanba kuni Braziliya terma jamoasining umumiy guruhidagi mashg‘ulotlariga qaytdi. Boshqa futbolchilar 34 yoshli Neymarni «jonli koridor» tashkil qilgan holda kutib olishdi. Bu haqdagi ma’lumot va surat bilan The Touchline nashri bo‘lishdi.
Bundan bir kun avval Neymar maydonda jiddiy cheklovlar bilan mashq qilgan edi. Endi esa hujumchi to‘laqonli mashg‘ulotlarga kirishdi. Shunga qaramay, bu Neymar Braziliya terma jamoasining eng yaqin o‘yinidayoq maydonga tusha oladi degani emas. Futbolchi hali optimal jismoniy holatini (formasini) tiklab olishi kerak.
Braziliya terma jamoasi 20 iyun kuni Gaitiga qarshi maydonga tushadi. Uchrashuv Toshkent vaqti bilan soat 05:30 da boshlanadi.
