Jahon chempionatining birinchi tur statistikasi qiziqarli tendensiyani ko‘rsatmoqda: to‘pga egalik qilish foizi bo‘yicha yetakchilik qilgan jamoalar birorta ham g‘alabaga erisha olishmadi.
FIFA Match Centre statistikasiga asosan, quyidagi terma jamoalar eng ko‘p ajralib turibdi:
Portugaliya (75.4%) — Kongo DRga qarshi, 1:1
Ispaniya (74.3%) — Kabo-Verdega qarshi, 0:0
Turkiya (71.6%) — Avstraliyaga qarshi, 0:2
Shveysariya (68.0%) — Qatarga qarshi, 1:1
Urugvay (66.8%) — Saudiya Arabistoniga qarshi, 1:1.
To‘p nazoratida mutlaq ustunlikka ega bo‘lishlariga qaramay, guruh favoritlari o‘z vaziyatlaridan samarali foydalana olishmadi. Ular raqiblar darvozasiga umumiy hisobda 117 ta zarba yo‘llashdi, biroq atigi 3 ta gol urishga muvaffaq bo‘lishdi, xolos.
