Portugaliya terma jamoasi himoyachisi Ruben Diash jahon chempionatining startdagi o‘yinida DR Kongo bilan qayd etilgan durangdan (1:1) so‘ng, jamoa sardori Krishtianu Ronaldu sha’niga aytilgan tanqidlar haqida fikr bildirdi.

«Tanqidlar biz uchun katta ahamiyatga ega emas. Bu shunchaki muvaffaqiyatsiz o‘yindan keyin doim yuzaga keladigan shov-shuvdir. Biz o‘zimizni keraksiz muhokamalardan himoya qilishga harakat qilamiz», - dedi himoyachi Independent nashriga bergan intervyusida.

Futbolchi Ronaldu matbuot va jamoatchilik tomonidan bo‘ladigan bunday yuqori e’tiborga allaqachon ko‘nikib ketganini ta’kidladi.

«Krishtianu bunday bosim bilan juda yaxshi tanish — klublarda ham, terma jamoada ham, yirik turnirlarda ham. Jahon chempionatida hamma narsani ideal darajada bajarishning iloji yo‘q. O‘yindan o‘yinga yuqori daraja ko‘rsata olgan jamoa g‘alaba qozonadi», - deya ta’kidladi Diash.

Portugallar turnirdagi navbatdagi uchrashuvni O‘zbekistonga qarshi o‘tkazishadi. O‘yin 23 iyun kuni bo‘lib o‘tadi.