Londonning «Tottenxem» klubi yarim himoyachisi Xavi Simons jamoa futbolchilari va bosh murabbiy Roberto De Dzerbi o‘rtasidagi munosabatlar haqida fikr bildirdi.
"Futbolchilar va murabbiylar shtabi o‘rtasida haqiqatan ham yaxshi aloqa yo‘lga qo‘yilgan", — dedi Simons CBS Sports telekanaliga bergan intervyusida.
De Dzerbi joriy yilning mart oyida «Tottenxem» boshqaruvini qo‘lga olgan va jamoaga Angliya Premyer-ligasidagi o‘rnini saqlab qolishda yordam bergan edi. «Shporlar» chempionatni turnir jadvalining 17-pog‘onasida yakunlab, 38 turda 41 ochko jamg‘arishdi.
Yakunlangan mavsumda 23 yoshli niderlandiyalik futbolchi barcha musobaqalarni hisobga olgan holda 43 ta uchrashuvda maydonga tushdi, raqiblar darvozasini 6 bor ishg‘ol etdi va 7 ta golli uzatmaga mualliflik qildi.
