Madridning «Real» klubi sobiq hujumchisi Garet Beyl Joze Mourinyoning «qaymoqranglilar» bosh murabbiyi sifatidagi istiqbollarini baholadi. Uelslik futbolchi 2020/21 yilgi mavsumda «Tottenxem»da portugaliyalik mutaxassis qo‘l ostida to‘p surgan.
«U futbolchilarni faqatgina bor kuchlarini ishga solishlari uchun ruhlantira oladi. Joze har bir o‘yinchini tushunishga va ularni ishlashga majbur qilish uchun qo‘lidan kelgan barcha ishni qilishga harakat qiladi. Ba’zan bu OAVdagi bayonot orqali, ba’zan esa shunchaki yelkaga do‘stona urib qo‘yish bilan amalga oshishi mumkin.
Joze «Real»da ishlagan, u yerdagi dinamikani tushunadi va hamma narsa qanday tuzilganini biladi. U natijaga erishishga yordam beradigan reja ishlab chiqadi», — deya Beylning so‘zlarini keltiradi The Athletic.
