Fransiyalik hujumchi Kilian Mbappedan kelajakda murabbiy bo‘lish haqida o‘ylayotgani yoki yo‘qligi so‘raldi. U murabbiylik faoliyatining ayrim jihatlari o‘ziga yoqishini, biroq hozircha bu ish bilan shug‘ullanishga tayyor emasligini ma’lum qildi.
«Men futbol murabbiyi bo‘lish istiqbollari haqida o‘ylayotganim yo‘q, lekin futbolni juda yaxshi ko‘raman. Va meni futboldagi barcha, hatto eng mayda detallar ham qiziqtiradi», — deya Mbappening so‘zlaridan iqtibos keltiradi derbyderbyderby.it portali.
Eslatib o‘tamiz, Mbappe 2024 yildan buyon Madridning «Real» klubi sharafini himoya qilib kelmoqda. Bungacha u Fransiya klublarida — dastlab «Monako»da, keyinchalik esa 2017 yildan 2024 yilgacha «PSJ» tarkibida to‘p surgan. Ayni damda u Fransiya terma jamoasi safida Jahon chempionati bahslarida ishtirok etmoqda.
