Londonning "Arsenal" klubi Leverkuzenning "Bayer" klubi himoyachisi Pyero Inkapyeni sotib olish huquqidan foydalanganini va uning to‘laqonli transferini rasmiylashtirganini tasdiqladi.
Futbolchi o‘tgan yozda "kanonirlar" safiga ijara asosida qo‘shilgan edi va APLdagi g‘alaba hamda Chempionlar ligasi finali bilan yakunlangan muvaffaqiyatli mavsumga o‘z hissasini qo‘shdi.
Londondagi faoliyati davomida 24 yoshli ekvadorlik himoyachi barcha turnirlarda 39 ta uchrashuvda maydonga tushib, "Arsenal" mudofaa chizig‘ining muhim bo‘lagiga aylandi. Ushbu mudofaa chizig‘i so‘nggi mavsumlarda Angliyada o‘tkazib yuborilgan to‘plar bo‘yicha eng yaxshi ko‘rsatkichlardan birini qayd etdi.
Yevropaga ko‘chib o‘tishdan oldin himoyachi "Independyente del ValYE", Argentinaning "Talyeres", so‘ngra "Bayer" klublarida to‘p surgan va Leverkuzen klubi bilan 2023/24 yilgi mavsumda Germaniya chempioniga aylangan edi.
Ekvador terma jamoasi tarkibida Inkapye 50 dan ortiq o‘yin o‘tkazgan va bir qancha yirik xalqaro turnirlarda, jumladan, hozir bo‘lib o‘tayotgan Jahon chempionatida ham ishtirok etmoqda.
