Ispaniya terma jamoasi rasmiy o‘yinlardagi mag‘lubiyatsiz seriyalar soni bo‘yicha yangi rekord o‘rnatdi.
Bosh murabbiy Luis de la Fuente shogirdlari JCH-2026 3-turida Urugvay terma jamoasini mag‘lub etdi (1:0). Shu tariqa, ispanlar ketma-ket 34 ta rasmiy uchrashuvdan beri mag‘lubiyat nimaligini bilmay kelmoqda (27 ta g‘alaba va 7 ta durang).
Jamoa oxirgi marta 2023 yilning mart oyida, Yevro-2024 saralash bosqichi doirasida Shotlandiya terma jamoasiga imkoniyatni boy bergan edi (0:2). Bu ko‘rsatkich orqali Ispaniya Braziliya terma jamoasiga tegishli bo‘lgan tarixiy rekordni (1993–1998 yillardagi seriya) ortda qoldirdi.
Eslatma: Ushbu statistikada o‘rtoqlik o‘yinlari va penaltilar seriyasi hisobga olinmaydi. Masalan, Ispaniya 2025 yilgi Millatlar ligasi finalida Portugaliyaga (2:2, penaltilar seriyasida — 3:5) va 2024 yilgi o‘rtoqlik uchrashuvida Kolumbiyaga (0:1) mag‘lub bo‘lgan edi.
