Braziliya terma jamoasi vingeri Vinisius va Fransiya terma jamoasi hujumchisi Kilian Mbappe JCH-2026 ning ortda qolgan guruh bosqichida raqib jarima maydonchasi ichida to‘pga eng ko‘p teginish borasida yaqqol peshqadamga aylanishdi.

Har ikki futbolchi raqib xavfli hududida 27 tadan harakatni amalga oshirgan. Musobaqaning uchta uchrashuvida Vinisius o‘z hisobiga 5 (4+1) ochko yozdirib qo‘ygan bo‘lsa, Mbappeda bu ko‘rsatkich 6 (4+2) ballni tashkil etmoqda. Ushbu samaradorlik tizimida fransiyalik futbolchi Argentina terma jamoasi a’zosi Lionel Messi (6+0) bilan birgalikda birinchi o‘rinni bo‘lishib turibdi.

Raqib jarima maydonchasida to‘pga teginish bo‘yicha Kenan Yildiz (Tursiya) va Jonatan Devid (Kanada) 26 tadan harakat bajarishgan. Mikel Oyarsabal (Ispaniya) hisobida 25 ta, Breel Emboloda (Shveysariya) 23 ta, Jamal Musialada (Germaniya) 21 ta hamda Jud Bellingem (Angliya), Kay Xaverts (Germaniya) va Usman Diomande (Kot-d′Ivuar) hisobida 20 tadan shunday ko‘rsatkich mavjud.