Vinger Niko Uilyams son yaqinlashtiruvchi mushagidan jarohat olib, Ispaniya terma jamoasi lazaretiga joylashdi. El Partidazo de COPE nashrining xabar berishicha, Uilyamsning tiklanishi uchun taxminan 10 kundan 12 kungacha vaqt talab etiladi.
Uilyams Jahon chempionatining 1/16 finalidan o‘rin olgan Avstriyaga qarshi o‘yinni o‘tkazib yuborishi aniq. Shu bilan birga, futbolchi nazariy jihatdan yuz berishi mumkin bo‘lgan 1/8 final bahsigacha tiklanishga umid qilmoqda. Agar ispanlar avstriyaliklar to‘sig‘idan o‘ta olishsa, mundialdagi keyingi o‘yinlarini 6 iyul kuni o‘tkazishadi.
Eslatib o‘tamiz, Ispaniya – Avstriya uchrashuvi 2 iyul kuni Toshkent vaqti bilan soat 24:00 (3 iyulga o‘tar kechasi 00:00)da boshlanadi.
