37 yoshli hujumchi Robert Levandovski — Amerikaning «Chikago Fayr» klubi futbolchisi. Bu haqda polshalik yulduzning yangi jamoasi matbuot xizmati rasman xabar bermoqda.
Robertning Chikago klubi bilan tuzgan shartnomasi 2027/28 yilgi mavsum yakuniga qadar mo‘ljallangan. Mazkur jamoa MLS muntazam chempionatining Sharqiy konferensiyasi vakili hisoblanadi.
Eslatib o‘tamiz, Robert so‘nggi to‘rt yilni «Barselona»da o‘tkazgan edi. Bungacha u Poznanning «Lex», Dortmundning «Borussiya» va Myunxenning «Bavariya» klublarida to‘p surgan.
Levandovski — o‘n karra Germaniya chempioni, uch karra Ispaniya chempioni hamda UYEFA Chempionlar ligasi g‘olibi hisoblanadi. U faoliyati davomida jami 30 tadan ortiq sovrinni qo‘lga kiritgan.













